გუბის წმინდა სამების სახელობის ტაძარში წმინდა ნიკოლოზის, ღირსი საბა განწმენდილისა და დიდმოწამე თეოდორე ტირონის ხატები მიაბრძანეს – მსვლელობაში მონაწილეობა მიიღეს ხონის მუნიციპალიტეტის მერმა ლადო ჯურხაძემ და საკრებულოს თავმჯდომარე აკაკი გოფოძემ.
მსვლელობა ხონის წმინდა გიორგის სახელობის ტაძრიდან დაიწყო და გუბის წმინდა სამების სახელობის ტაძარში საზეიმო წირვით დასრულდა, რომელიც ხონისა და სამტრედიის მიტროპოლიტმა მეუფე საბამ აღავლინა.
მრევლთან ერთად, მსვლელობაში მონაწილეობა მიიღეს ტაო-კლარჯეთისა და ლაზეთის ეპარქიის მიტროპოლიტმა მეუფე თეოდორემ, ადგილობრივი ხელისუფლების წარმომადგენლებმა, სასულიერო პირებმა, მონაზვნებმა და მრევლმა.