ხონის საკრებულოს სააქტო დარბაზში, 25 სექტემბერს, 14:30 საათზე ტრენინგი „დრამ-თერაპია და შეზღუდული შესაძლებლობის მქონე პირებთან (შშმ) ურთიერთობის სტანდარტები“ გაიმართება.

ტრენინგზე საუბარი იქნება დრამ-თერაპიის საშუალებით შეზღუდული შესაძლებლობის მქონე პირთა შესახებ არსებულ პრობლემებსა და მათთან სწორი კომუნიკაციის დამყარების გზებზე.

ტრენინგ-მოდული აგებულია გაეროს შეზღუდული შესაძლებლობის მქონე პირთა უფლებების კონვენციისა და შეზღუდული შესაძლებლობის მქონე პირთა უფლებების შესახებ საქართველოს კანონის შესაბამისად.

ტრენინგის მიზანს წარმოადგენს მსმენელთათვის შშმ პირთა შესახებ ზოგადი ინფორმაციის მიწოდება და შშმ პირთა საზოგადოებრივ ცხოვრებაში სრულყოფილად ჩართვის ხელშეწყობა.

ტრენინგი დაფინანსებულია ხონის მუნიციპალიტეტის მერიის მიერ.