ხონის მუნიციპალიტეტის მერმა ლადო ჯურხაძემ და საკრებულოს თავმჯდომარე აკაკი გოფოძემ ვეფხია ჯიშკარიანის სახელობის სოფელ საწულუკიძეოს საჯარო სკოლის მოსწავლეებს უმასპინძლეს.
ადგილობრივი ხელისუფლების წარმომადგენლებმა სოფელ საწულუკიძეოს საჯარო სკოლის გოგონათა საფეხბურთო გუნდს იმერეთის რეგიონულ თამაშებში პირველ ადგილზე გასვლა მიულოცეს.
„გილოცავთ ამ გამარჯვებას. სპორტი, ფიზიკური აქტივობა, ჯანსაღი ცხოვრების წესი ხელს უწყობს ჯანმრთელობას და ყოველდღიურ ცხოვრებას გვიუმჯობესებს. განსაკუთრებული მადლობა თქვენს პედაგოგს, ვალერი ქობალიას, რომელმაც მოგცათ სწორი მიმართულება და გაზიარათ ამ დიდ წარმატებას. მომავალშიც მრავალ გამარჯვებას გისურვებთ“, – განაცხადა ლადო ჯურხაძემ.
მერის გადაწყვეტილებით, გამარჯვებული გუნდი ექსკურსიაზე გაემგზავრება და საქართველოში სასურველ ისტორიულ ადგილს მოინახულებს.