ხონის მუნიციპალიტეტის მერიაში „სამოქალაქო ბიუჯეტირების“ პროექტის ფარგლებში შემოსული წინადადებები სამუშაო ჯგუფმა განიხილა.
მოქალაქეთა მიერ ინიცირებული 11 პროექტიდან მეორე ეტაპზე 10 პროექტი გადავიდა.
დაფინანსების მოსაპოვებლად პროექტმა უნდა დააგროვოს გარკვეული რაოდენობის ხმები, რისთვისაც მხარდამჭერ მოქალაქეთა აქტიურობას გადამწყვეტი მნიშვნელობა ენიჭება.
პროექტის მხარდამჭერებს შეუძლიათ, სასურველ პროექტს ხმა მისცენ შემდეგ ელექტრონულ მისამართზე: khoni.cpc.org.ge. ხმის მიცემა 15 ოქტომბერს დაიწყება და 30 ოქტომბრის ჩათვლით გაგრძელდება.
2025 წელს პროექტისთვის მუნიციპალიტეტმა 150 000 ლარი გამოყო.
დამატებითი კონსულტაციისთვის დარეკეთ მერიის ცხელ ხაზზე : 595 332 544