ტრენინგის „სკოლამდელი გარემოსდაცვითი განათლება” ფარგლებში ხონის მუნიციპალიტეტის საჯარო სკოლამდელი აღზრდის დაწესებულებების აღმზრდელები და მეთოდისტები გადამზადდა .
ტრენინგი ეფუძნება გარემოსდაცვითი განათლების ხელშეწყობისთვის მომზადებულ სახელმძღვანელოს „სკოლამდელი გარემოსდაცვითი განათლება“. სახელმძღვანელო ყველა იმ საკითხს აერთიანებს, რომელთა ადრეული ასაკიდან სწავლება განსაკუთრებით მნიშვნელოვანია ბავშვებში გარემოსდაცვითი ცნობიერების ასამაღლებლად. ტრენინგის მიზანი ცენტრის მიერ შექმნილ სახელმძღვანელოში ასახული გარემოსდაცვითი საკითხების და სწავლების თანამედროვე მიდგომების აღმზრდელ-პედაგოგებისთვის გაცნობაა.
კურსის გავლის შემდეგ მონაწილეები შეძლებენ მნიშვნელოვანი გარემოსდაცვითი პრინციპების მოსწავლეებისათვის სხვადასხვა აქტივობის საშუალებით სწავლებას.
ტრენინგი გარემოს დაცვისა და სოფლის მეურნეობის სამინისტოს გარემოსდაცვითი ინფორმაციისა და განათლების ცენტრისა და ადგილობრივი ხელისუფლების მხარდაჭერით განხორციელდა.