შეხვედრაზე ინფრასტრუქტურის სამსახურის ხელმძღვანელმა ილია ყუფარაძემ „სოფლის მხარდაჭერის პროგრამის“ ფარგლებში დაგეგმილ და განსახორციელებელ პროექტებზე ისაუბრა. მისი თქმით, ქალაქის ტერიტორიაზე არსებული დაზიანებული ცხაურებისა და ხიდ-ბოგირების აღდგენითი სამუშაოების შესყიდვა დასრულდა; სპეციალისტები ასევე მუშაობენ ჭავჭავაძის ქუჩაზე არსებული მრავალბინიანი საცხოვრებელი სახლების ფასადების რეაბილიტაციაზე.
სამუშაო ჯგუფის წარმომადგენელმა თამარ უგულავამ სამოქალაქო ბიუჯეტირების პროექტის მიმდინარეობის პირველი ეტაპი შეაჯამა. მისი ინფორმაციით, მოქალაქეთა მიერ წარმოდგენილი 10 პროექტიდან, ელექტრონული ხმის მიცემის შედეგად, განხორციელების ეტაპზე 5 პროექტი გადავიდა.
შეხვედრაზე კოორდინაციის განყოფილების ხელმძღვანელმა მამუკა ჭავჭანიძემ განაცხადა, რომ ქუტირის ადმინისტრაციულ ერთეულში სამელიორაციო არხების გაწმენდითი სამუშაოები ინტენსიურ რეჟიმში მიმდინარეობს.
ამასთან, შეხვედრაზე საუბარი შეეხო ხონის თეატრის 160 წლის იუბილესთან დაკავშირებულ ღონისძიებებს, რომელიც 25 ოქტომბერს იგეგმება. ასევე განიხილეს სასკოლო სპორტული ოლიმპიადის ორგანიზებასთან დაკავშირებული საკითხები, რომელიც ხონის მუნიციპალიტეტის ცენტრალურ სტადიონზე სტარტს 22 ოქტომბრიდან აიღებს.