შეხვედრაზე საფინანსო სამსახურის ხელმძღვანელმა ლევან ჩიხლაძემ 2026 წლის ბიუჯეტის პროექტის შემუშავების პროცედურებზე ისაუბრა . მისი თქმით, სტიქიის სალიკვიდაციო და რეგიონული განვითარების ფონდებიდან თანხები სრულად არის ათვისებული. მიმდინარეობს სამოქალაქო ბიუჯეტისა და ,, სოფლის მხარდაჭერის პროგრამის ,, ფარგლებში შერჩეული პროექტების დაფინანსება და არსებული ეკონომიების ათვისება. პარარელურ რეჟიმში, სამსახურის ყველა სპეციალისტი მუშაობს ახალი ბიუჯეტის შემუშავებასა და პარამეტრების განსაზღვრაზე.
ინფრასტრუქტურის სამსახურის ხელმძღვანელმა ილია ყუფარაძემ „სოფლის მხარდაჭერის პროგრამის“ ფარგლებში დაგეგმილ და განსახორციელებელ პროექტებზე ისაუბრა. ასევე შეაჯამა რეგიონული განვითარების ფონდის მიერ დაფინანსებული პროექტების განხორციელების პროცესი.
ამასთან, შეხვედრაზე საუბარი შეეხო ახალი წლის სადღესასწაულო ღონისძიებების დაგეგმვის პროცედურებს და განსახორციელებელი შესყიდვების ვადების დაცვის აუცილებლობას.