შეხვედრაზე მიმდინარე პროექტები და არსებული გამოწვევები განიხილეს. ისაუბრეს „სოფლის მხარდაჭერის პროგრამის“ ფარგლებში მიმდინარე ინფრასტრუქტურულ პროექტებზე. აღინიშნა, რომ დაგეგმილი პროექტების ნაწილი დასრულებულია, სამუშაოები კი წლის ბოლომდე გაგრძელდება.
შეხვედრაზე ასევე იმსჯელეს შესყიდული ე.წ. ბოგირების შესაბამის ლოკაციებზე განთავსების საკითხზე.
როგორც ლადო ჯურხაძემ განაცხადა, შემუშავდება გრაფიკი, რომელიც მიხედვითაც სოფლებში მძიმე ტექნიკა გადანაწილდება და შესაბამის სამუშაოებს განახორციელებს.
აღინიშნა, რომ მუნიციპალიტეტის რამდენიმე სოფელში დაზიანებულია გარე განათების სისტემა, პრობლემის მოგვარებას კი, ა(ა)იპ კომუნალური სერვისცენტრი კვირის ბოლოდან დაიწყებს და დეკემბრის შუა რიცხვებამდე დაასრულებს.
შეხვედრაზე სოფლის მეურნეობის საინფორმაციო-საკონსულტაციო სამსახურის ხელმძღვანელმა ბადრი ბახტაძემ წარმომადგენლებს მიაწოდა ინფორმაცია სახელმწიფო პროგრამის „დანერგე მომავალი“ განხორციელების ვადებსა და პროცედურებზე.