ინფრასტრუქტურულ პროექტებზე საუბრისას განიხილეს მიმდინარე სამუშაოები, რომლებიც მე-3 საჯარო სკოლის ეზოში არსებული დამხმარე ნაგებობის რეაბილიტაციასა და გურამიშვილის ქუჩაზე არსებული სანიაღვრე არხების მოწესრიგებას მოიცავს. აქვე, ლადო ჯურხაძემ აღნიშნა, რომ 2026 წლის ბიუჯეტში შესატანი ცვლილებების დოკუმენტი საკრებულოს უკვე გადაეგზავნა, რომლის მიხედვითაც ბიუჯეტში დამატებით აისახება 4 095 594 ლარი.

ყურადღება დაეთმო ერთიანი მუნიციპალური სატრანსპორტო პოლიტიკის შემუშავების საკითხს, რაც მიზნად ისახავს სოფლად მცხოვრები მოქალაქეების უსაფრთხო და კომფორტული გადაადგილების ხელშეწყობას. აღნიშნულ საკითხზე დეტალური მუშაობა მერის პირველ მოადგილე გერასიმე მჟავანაძეს დაევალა.

საუბარი შეეხო აღდგომის დღესასწაულთან დაკავშირებულ ღონისძიებებს, მათ შორის სასაფლაოებთან მისასვლელი გზების მოწესრიგების უზრუნველყოფას.

დაგეგმილ აქტივობებზე საუბრისას აღინიშნა, რომ მიმდინარე კვირაში, სასკოლო სპორტული ოლიმპიადის ფარგლებში გამართულ თამაშებში მონაწილეობას მიიღებენ ქალაქ ხონის მე-2 და სოფელ კუხის საჯარო სკოლების მოსწავლეები.