პირველი ლოტის ფარგლებში , სოფელ კონტუათის მე-4 და წმინდა ნინოს ქუჩების მოასფალტების სამუშაოები უკვე დაწყებულია. უახლოეს დღეებში მოსამზადებელი ღონისძიებები განხორციელდება სოფელ საწულუკიძეოს მსხილაძეების უბანში.
მუნიციპალიტეტის მერის პირველი მოადგილე მიმდინარე პროცესს გაეცნო. გერასიმე მჟავანაძემ სამუშაოების დეტალები ადგილზე მშენებელი კომპანიის, ,, სოკარ ჯორჯია გაზის,, , მერიის ზედამხედველობისა და ინფრასტრუქტურის სამსახურის წარმომადგენლებთან ერთად განიხილა, გაესაუბრა მოსახლეობასა და დასაქმებულებს.
სამუშაოებს ელექტრონულ ტენდერში გამარჯვებული კომპანია შპს ,,ელიტ ბილდერს გრუპი,, ახორციელებს.
მშენებლობის პროცესი აგვისტოს თვეში დასრულდება და , ჯამში, 5 კილომეტრამდე საუბნო გზა მოეწყობა.