ხონის სახალხო თეატრი ფესტივალზე „თეატრალური იმერეთი 2025“ რეჟისორ გოჩა კაპანის სპექტაკლით „გაიცინეთ,ჩიტი გამოფრინდება!“ წარსდგა;
სპექტაკლი ხონის ისტორიულ წარსულსა და აწმყოს ეხება. მასში მონაწილეობენ სახალხო დასის მსახიობები გულიადა სანოძე და დემურ საღარეიშვილი, ასევე ვასილ აგლაძე, თემურ დანგაძე, ელენე ბობოხიძე, ლიზი ჩოგოვაძე, გიორგი ლიპარტელიანი და დავით ჩიხლაძე.
საფესტივალო ჩვენება ლადო მესხიშვილის სახელობის სახელმწიფო დრამატულ თეატრში გაიმართა.
სპექტაკლი ისტორიულ მასალაზე აგებული ლირიული პიესა სავსეა იმ საამაყო ხონელების გახსენებით, რომელთაც დიდი წვლილი მიუძღვით ქართული პოეზიისა და ხელოვნების განვითარების საქმეში, ამასთან ისეთ მტკივნეულ თემას ეხება, როგორიცაა კომუნისტური რეჟიმი და რეპრესიები.
სპექტაკლის ჩვენება, ხონელი მაყურებლისთვის, კიდევ ერთხელ, 4 ივლისს , ხონის კულტურის ცენტრში გაიმართება.