ხონის მერია გენდერული ძალადობის წინააღმდეგ მიმართულ კამპანიას უერთდება

ხონის მუნიციპალიტეტი უერთდება 16 დღიან კამპანიას.

ქალთა მიმართ ძალადობა და ოჯახში ძალადობა გენდერული უთანასწორობის გამოვლინება და ადამიანის უფლებების ერთ-ერთი გავრცელებული დარღვევაა.

ხონის მუნიციპალიტეტი აცნობიერებს საკუთარ როლს, ძალადობის წინააღმდეგ ბრძოლასა და თანასწორი, მტრული გარემოსგან დაცლილი გარემოს შექმნაში.

აქედან გამომდინარე, ქალთა მიმართ ძალადობის და ოჯახში ძალადობის წინააღმდეგ ბრძოლა ჩვენი მუნიციპალიტეტის პრიორიტეტია :

მუნიციპალური სერვისების პროგრამების დაგეგმვისა და განხორციელების პროცესში გათვალისწინებულია გენდერული ასპექტები;

შემუშავებულია გენდერული ბიუჯეტი;

ხორციელდება აქტივობები, რომელთა მიზანია ქალთა ჩართულობის გაზრდა გადაწყვეტილების მიღების პროცესში;

მერიის სოციალური პაკეტი მოიცავს პროგრამას ძალადობის მსხვერპლთა ბინის ქირით უზრუნველყოფის შესახებ ;

მერიის სოციალური პაკეტი მოიცავს ქვეპროგრამას მრავალშვილიან მშობელთა დახმარების შესახებ ;

მერიის სოციალური პაკეტი მოიცავს ქვეპროგრამას შეზღუდული შესაძლებლობის სტატუსის მქონე, 18 წლამდე ასაკის ბავშვის მშობელზე, ან მეორვეზე/მზრუნველზე/მხარდამჭერზე ერთჯერადი ფულადი დახმარების შესახებ.

მუშაობს მერიის ბავშვის დაცვის და მხარდაჭერის უზრუნველყოფის განყოფილება;

მუშაობს საკრებულოს გენდერული საბჭო;

აუცილებელია საზოგადოების თითოეულმა წევრმა გააცნობიეროს, რომ ქალთა მიმართ ძალადობის და ოჯახში ძალადობის დაძლევა საერთო საქმე და საერთო პასუხისმგებლობაა.

თვალის დახუჭვა, გულგრილობა, გვერდზე გადგომა დაუშვებელია!