დასაქმების ხელშეწყობის სახელმწიფო სააგენტოს წარმომადგენლების ვიზიტი ხონში

მხარეები საზოგადოებრივ სამუშაოებზე სოციალურად დაუცველთა დასაქმების პროგრამის შეფასებისა და არსებული გამოწვევების გაანალიზების მიზნით შეიკრიბნენ.

შეხვედრა ინტერაქციულ ფორმატში წარიმართა. მხარეებმა პროგრამის მიღწევებსა და არსებულ გამოწვევებზე ისაუბრეს.

საზოგადოებრივი სამუშაოების პროგრამით სარგებლობის უფლება აქვთ, სოციალურად დაუცველი ოჯახების მონაცემთა ერთიან ბაზაში რეგისტრირებულ, ისეთი ოჯახების შრომისუნარიან წევრებს, რომელთა სარეიტინგო ქულა არ აღემატება 120 000-ს და სახელმწიფოსგან იღებენ სოციალურ შემწეობას. აღნიშნული პირი ამავდროულად არ უნდა იყოს დასაქმებული ან რეგისტრირებული თვითდასაქმებულად, შემოსავლების სამსახურის მონაცემთა ბაზაში.

ამ ეტაპზე, აღნიშნულ პროგრამაში, ხონის მუნიციპალიტეტში, 206 ბენეფიციარია ჩართული;